• सूर्यकिरण सागरपृष्ठावरून परावर्तित होतात. काही किरण खोलवर जातात, पण तीव्रता कमी असते.
• २००० मीटरच्या खाली सूर्यकिरण पोहोचत नाहीत. त्यामुळे त्या खोलीवर तापमान सर्वत्र ४°C असते.

क्षारता :

• सागरजलात मीठ (क्षार) असतो, पण सगळ्या सागरत त्याचे प्रमाण सारखे नसते.
• सागरात मीठ (क्षार) साठल्यामुळे पाणी खारट होते.
• नद्या जमिनीवरील क्षार सागरात आणतात.
• बाष्पीभवन फक्त पाण्याची वाफ करते, क्षार सागरातच राहतात.

क्षारतेवर परिणाम करणारे घटक:

• तापमान आणि बाष्पीभवनाचा वेग
• गोड्या पाण्याचा पुरवठा
• समुद्राचे खुले किंवा भूवेष्टित (चारही बाजूंनी जमिनीने वेढलेले) स्वरूप

क्षारतेचे फायदे:

• क्षारतेमुळे पाण्याची उद्धरण क्षमता वाढते.
• मोठी जहाजे पाण्यावर सहज तरंगतात – जलवाहतुकीसाठी उपयुक्त.
• मिठागरांमधून मीठ मिळवता येते.
• मीठाचा उपयोग:  अन्नात, औषधे व रसायने तयार करण्यासाठी, बर्फ बनवणे आणि अन्न टिकवणे

 भौगोलिक क्षेत्रानुसार क्षारतेतील फरक:

समशीतोष्ण कटिबंधातील सागरजलक्षारता :

• या कटिबंधात सूर्यकिरणे तिरपी पडतात. त्यामुळे तापमान कमी → बाष्पीभवनाचा वेगही कमी. पर्जन्यवृष्टी, हिमवृष्टी आणि वितळणाऱ्या बर्फामुळे गोड्या पाण्याचा मुबलक पुरवठा होतो. म्हणूनच समशीतोष्ण कटिबंधात अक्षांश वाढत जाईल तशी क्षारता कमी होत जाते.

काही ठळक उदाहरणे:

घनता :

• सागरजलाचे तापमान आणि क्षारता हे दोन घटक सागरजलाची घनता ठरवतात.
• तापमान कमी असल्यास घनता वाढते.
• क्षारता कमी असल्यास घनता कमी होते.
• मात्र, क्षारता कमी असूनही तापमान कमी असल्यास घनता वाढते.
• तापमान व क्षारतेचा घनतेवरील प्रभाव ५०० मी खोलीवर विशेष दिसून येतो.
• मात्र, १००० मी खोलीनंतर तापमान-क्षारता-बनता हे घटक फारसे बदलत नाहीत.
• तापमान-क्षारता-घनता या सागरजलाच्या गुणधर्मातील भिन्नतेमुळे सागरी प्रवाहांची निर्मिती होते.
• सागरी प्रवाहांमुळे सागरजलाच्या तापमानाचे नियंत्रण होते.
• प्रादेशिक हवामानावर सागरी प्रवाहांचा परिणाम होतो.

मृत समुद्र :

• मृत समुद्र हे इस्राईल आणि जॉर्डन देशांच्या सीमेवर आहे.
• या समुद्राचे पाणी खूपच खारट आहे – सामान्य समुद्राच्या तुलनेत १० पट जास्त.
• या समुद्राच्या पाण्याची क्षारता ३३२‰ आहे. सर्वसाधारण महासागरी जलाची क्षारता ३५‰ असते.
• जॉर्डन नदी ही एकच मोठी नदी या समुद्रात मिळते.
• येथे पाऊस कमी, गोड्या पाण्याचा पुरवठा कमी आणि बाष्पीभवन जास्त असल्यामुळे पाणी खूप खारट झाले आहे.
• या पाण्यात मासे आणि इतर सजीव राहू शकत नाहीत. काही एकपेशीय जीव मात्र तग धरतात.
• खारटपणामुळे पाण्यात क्षार साठतात आणि त्यातून क्षारस्तंभ तयार होतात. काही स्तंभ पाण्याच्या वर दिसतात.
• पाण्याची घनता जास्त असल्यामुळे येथे बुडण्याची शक्यता नाही – आपण सहज तरंगू शकतो.
• मृत समुद्राजवळचा भूभाग जगातील सर्वात कमी उंचीचा आहे – काही ठिकाणी समुद्रसपाटीपासून ४०० मीटर खाली.